اللى غلا البشر

إنتِ اللذي من بدّت الناس مغليك
وإنتِ اللذي ماغيرك احدً صفالي
أن غبت عني داعي الشوق يدعيك
وصورتك عندي ماتفارق خيالي
ياصاحبي والله ماني بناسيك
يشهد عل ما قول وقتً مضالي
أشقيت حالي والفكر مغرمً فيك
واليا ذكرتك كن بالقلب صالي
مشتاق لك حتى دموعي تناديك
شوفتك عندي يالغلا راس مالي
يزيد جرحي كل ما حلّ طاريك
وهموم قلبي ضاربه كل جالي
أطلب تدلل ياهوا الروح وأعطيك
يفداك قلبي يابعد كل غالي
إنتِ اللذي من بدّت الناس راجيك
ساكن بعيني والهدب لك ضلالي